ویب ڈیسک: پاکستان سپر لیگ میں مزید 2 ٹیموں کی شمولیت کا فیصلہ کر لیا گیا ہے، چیف ایگزیکٹو آفیسر پی ایس ایل سلمان نصیر نے بتایا ہے کہ سال کے آخر تک ہمیں پی ایس ایل کے لیے مزید 2 مزید ٹیمیں مل سکتی ہیں، جبکہ اس موقع پر انہوں نے پی ایس ایل 2026 کے میچز پشاور سمیت دیگر شہروں میں بھی کرانے کا عندیہ بھی دیا ہے، ساتھ میں پی سی بی کے مطابق 2025 کے سیزن میں 8 اپریل کو پشاور پی ایس ایل کے نمائشی میچ کی میزبانی کرے گا۔
اس وقت پی ایس ایل میں 6 ٹیمیں ہیں جن میں کراچی کنگز، لاہور قلندرز، اسلام آباد یونائیٹڈ، پشاور زلمی،کوئٹہ گلیڈی ایٹرز اور ملتان سلطانز شامل ہیں، مزید 2 ٹیموں کی شمولیت کے بعد پی ایس ایل کی ٹیموں کی تعداد 8 ہوجائے گی۔
چیف ایگزیکٹو پی ایس ایل نے کہا ہے کہ اس لیگ کا آغاز ایسے وقت ہوا تھا جب پاکستان میں کرکٹ نہیں ہو رہی تھی، جسے واپس ملک میں لانا چیلنج تھا، اب جب ہم اس میں کامیاب ہوچکے ہیں تو ہمارا اگلا ہدف ان چار شہروں (لاہور، کراچی، راولپنڈی اور ملتان) کے علاوہ دیگر شہروں میں بھی میچز کروانا ہے۔
انہوں نے پی ایس ایل 2026 کے میچز پشاور سمیت دیگر شہروں میں بھی کروائے کا عندیہ دیدیا ہے، پی سی بی کے مطابق 2025 کے سیزن میں 8 اپریل کو پشاور پی ایس ایل کے نمائشی میچ کی میزبانی کرے گا۔ ایچ بی ایل پی ایس ایل 10 کا آغاز 11 اپریل سے ہوگا۔
راولپنڈی میں اسلام آباد یونائیٹڈ اور لاہور قلندرز کے درمیان افتتاحی میچ سمیت 11 میچ ہوں گے جب کہ قذافی اسٹیڈیم 18 مئی کو فائنل سمیت 13 میچوں کی میزبانی کرےگا، کراچی اور ملتان پی ایس ایل کے پانچ پانچ میچوں کی میزبانی کریں گے۔ پی ایس ایل کا فائنل 18 مئی کو قذافی اسٹیڈیم میں کھیلا جائےگا.
