ویب ڈیسک: مسلم لیگ ن اور پیپلز پارٹی کے درمیان رابطے بحال ہو گئے،کوآرڈی نیشن کمیٹی کا اجلاس طلب کرلیا گیا ۔
ذرائع کے مطابق پنجاب میں اتحادی حکومت کے معاملات سے متعلق پیپلز پارٹی اور مسلم لیگ ن کی کوآرڈینیشن کمیٹی کا اجلاس ہفتہ کی شام 4بجے گورنر ہائوس میں منعقد ہوگا۔
اجلاس میں پیپلز پارٹی کے شکوے دور کرنے کی کوشش کی جائے گی، صوبائی اتھارٹیز میں نامزدگیاں، ترقیاتی فنڈذ، بیوروکریسی میں تبادلے پیپلز پارٹی کے مطالبات میں سے ہیں، اجلاس کی میزبانی گورنر پنجاب سردار سلیم حیدر کریں گے۔
ذرائع نے مزید بتایا کہ مشترکہ کمیٹی کے اجلاس میں راجہ پرویز اشرف، حسن مرتضی، ندیم افضل چن اور قاسم گیلانی پیپلز پارٹی کی طرف سے شریک ہوں گے۔
مسلم لیگ ن کی طرف سے اسحاق ڈار، رانا ثنا اللہ خان مریم اورنگزیب اور سعد رفیق کوآرڈینیشن کمیٹی کے اجلاس میں شرکت کریں گے ۔
