ویب ڈیسک: وزیراعظم پاکستان شہباز شریف نے کہا ہے کہ آج ہم عالمی برادری کے ساتھ مل کر اسلامو فوبیا سے نمٹنے کا عالمی دن منا رہے ہیں، اسلاموفوبیا کے خاتمے کیلئے اقدامات وقت کی اہم ضرورت ہیں۔
وزیراعظم شہباز شریف نے اپنے پیغام میں کہا کہ آج سے 3 سال قبل اقوام متحدہ کی جنرل اسمبلی نے یہ دن منانے کا تاریخی فیصلہ منظور کیا تھا، جو دنیا بھر میں مسلمانوں کو درپیش چیلنجز کی سنگینی کی یاد دلاتی ہے۔
انہوں نے کہا کہ اسلاموفوبیا کے خاتمے کیلئے اقدامات وقت کی اہم ضرورت ہیں، اس سلسلے میں مزید بہت کچھ کرنے کی ضرورت ہے، آزادی اظہار کی آڑ میں توہین مذہب یا مقدس علامتوں کی بے حرمتی کا کوئی جواز نہیں۔
