ویب ڈیسک: لاہور ہائیکورٹ نے 9 مئی کے 8 مقدمات میں بانی پی ٹی آئی عمران خان کی ضمانت درخواستیں سماعت کیلئے مقرر کر لیں۔
بانی پی ٹی آئی عمران خان نے اپنے وکیل سلمان صفدر کی وساطت سے درخواستیں لاہور ہائیکورٹ میں دائر کی ہیں، جسٹس سید شہباز رضوی اور جسٹس طارق سلیم شیخ پر مشتمل دو رکنی بینچ 18 مارچ کو عمران خان کی ضمانت درخواستوں پر سماعت کرے گا۔
عمران خان کی جانب سے دائر درخواستوں میں موقف اپنایا گیا ہے کہ سیاسی انتقام کے لیے سازش کا الزام لگا کر مقدمات میں نامزد کیا گیا، اور حقائق کے برعکس مقدمات درج کئے گئے۔
یاد رہے ملزم کے خلاف جناح ہاؤس، عسکری ٹاور اور تھانہ شادمان جلاؤ گھیراؤ سمیت دیگر مقدمات درج ہیں۔ اس کے خلاف دائر کی جانے والی ضمانت درخواستیں سماعت کیلئَے مقرر کر لی گئِی ہیں۔
