ویب ڈیسک: 5 اکتوبر احتجاج کیس میں اے ٹی سی نے قومی اسمبلی میں قائد حزب اختلاف عمر ایوب کی حاضری معافی کی درخواست منظور کر لی۔
تفصیلات کے مطابق انسداد دہشتگردی عدالت راولپنڈی نے 5 اکتوبر احتجاج کیس میں قومی اسمبلی میں قائد حزب اختلاف عمر ایوب کی حاضری معافی کی درخواست منظور کرلی۔
اے ٹی سی راولپنڈی میں عمر ایوب کیخلاف تھانہ صدر حسن ابدال میں درج مقدمات میں عبوری ضمانت کی درخواست پر سماعت اے ٹی سی جج امجد علی شاہ نے کی۔ اس دوران اپوزیشن لیڈر کے وکلاء کی جانب سے حاضری معافی کی درخواست جمع کرائی گئی، جو عدالت نے منظور کرلی۔
مقدمہ میں نامزد ملزمان مشال یوسفزئی، صنم جاوید اور احد خٹک کی ضمانتوں پر بھی سماعت ہوئی، صنم جاوید عدالت پیش ہوئیں جبکہ مشال یوسفزئی اور احد خٹک غیر حاضر رہے، عدالت نے دونوں ملزمان کی جانب سے دائر حاضری سے ایک روزہ استثنیٰ کی درخواست بھی منظور کرلی۔
عدالت نے وکلاء صفائی کو 19مارچ کو درخواست ضمانت پر بحث کرنے کا آخری موقع دیتے ہوئے چاروں ملزمان کی درخواست ضمانت پر سماعت 19مارچ تک کے لئے ملتوی کر دی۔
