ویب ڈیسک: پادری کے قتل میں ملوث ملزم 3 روزہ جسمانی ریمانڈ پر سی ٹی ڈی کے حوالے کر دیا گیا۔
تفصیلات کے مطابق انسداد دہشتگردی کی خصوصی عدالت نے پادری کے قتل میں ملوث ملزم کو تین روزہ جسمانی ریمانڈ پر سی ٹی ڈی کے حوالے کردیا۔ اس سلسلے میں تفتیشی آفیسر نے کہا کہ ملزم کو عدالت میں پیش کیا گیا ہے۔
تفتیشی افسر نے کہا کہ ملزم نبیل پر ساتھی سے مل کر چرچ کے پادری سلیم سراج کو قتل کرنے کا الزام ہے، واقعہ 30 جنوری 2022 کو رنگ روڈ پر پیش آیا تھا، جس کے بعد نامعلوم ملزمان کے خلاف مقدمہ درج کیا گیا تھا۔
ذرائع کے مطابق تفتیش کے دوران ملزم کو مقدمے میں نامزد کیا گیا، ملزم نے عبوری ضمانت کی درخواست دی جو خارج کر دی گئی، جس کے فوری بعد ملزم کو حراست میں لیا گیا۔
تفتیشی افسر نے استدعا کی کہ ملزم سے مزید تفتیش کی ضرورت ہے، لہذا اسے جسمانی ریمانڈ پر دیا جائے، بعدازاں عدالت نے ملزم کو تین روزہ جسمانی ریمانڈ پر سی ٹی ڈی کے حوالے کردیا۔
