ویب ڈیسک: پشاور میں مسجد کے باہر ہونے والے بارودی مواد کے دھماکے میںعالم دین مفتی منیر شاکرشہید جبکہ 3افراد زخمی ہو گئے ۔
پولیس کے مطابق دھماکہ تھانہ ارمڑ کی حدود میں ہوا جہاں جس میں چار افراد زخمی ہو گئے جن میں مفتی منیر شاکر ہسپتال میں زخموں کی تاب نہ لاتے ہوئے جان کی بازی ہارگئے ۔
پولیس کے مطابق دھماکے کے بعد پولیس، بم ڈسپوزل یونٹ اور سی ٹی ڈی کے افسران فوری طور پر موقع پر پہنچ گئے اور شواہد اکٹھا کرنے کا عمل شروع کردیا۔
مشیر صحت خیبر پختونخوا احتشام علی نے معروف عالم دین مفتی منیر شاکر کی شہادت پر گہرے رنج و غم کا اظہار کرتے ہوئے اسے ایک ناقابل تلافی نقصان قرار دیا ہے۔
احتشام علی کا کہنا تھا کہ مفتی منیر شاکر کی شہادت کی خبر سن کر دلی صدمہ پہنچا۔
انہوں نے کہا کہ مفتی منیر شاکر کو زخمی حالت میں ابتدائی طبی امداد کے لیے لیڈی ریڈنگ ہسپتال منتقل کیا گیا، تاہم وہ زخموں کی تاب نہ لاتے ہوئے شہادت کے درجے پر فائز ہوگئے۔
