ویب ڈیسک: پانچ ٹی 20میچز کی سیریز کے پہلے میچ میں پاکستان کو نیویز کے ہاتھوں 9وکٹوں سے شکست کا سامنا کرنا پڑا ۔
پاکستان نے پہلے میزبان ٹیم کی دعوت پر پہلے کھیلتے ہوئے نیوزی لینڈ کو صرف 92رنز کا ہدف دیا جو کیویز نے ایک وکٹ کے نقصان پر 11ویں اوور میں حاصل کرلیا۔
ہدف کے تعاقب میں بلیک کیپس نے جارحانہ کھیل پیش کیا، کیوی اوپنر ٹم سیفرٹ نے 29 گیندوں پر 44 رنز کی جارحانہ اننگ کھیلی اور 53 کے مجموعی سکور پر محمد ابرار کی گیند پر وکٹوں کے پیچھے کیچ دے بیٹھے۔
نیوزی لینڈ کی جانب سے فن ایلن نے 29 جبکہ ٹم روبنسن نے 18 رنز کی ناٹ آؤٹ اننگ کھیلی جبکہ مہمان ٹیم پاکستان کی جانب سے صرف محمد ابرار نے ایک وکٹ حاصل کی۔
قبل ازیں پاکستان کی ٹیم پہلے کھیلتے ہوئے پہلے ہی اوور سے مشکلات کا شکار رہی اور وقفے وقفے سے وکٹیں گرتی رہیں کھلاڑی پویلین روانہ ہوتے رہے۔
پاکستانی اوپنر محمد حارث اور حسن نواز صفر پر آؤٹ ہوئے جبکہ عرفان خان ایک رن بنا کر چل دیئے،کپتان سلمان آغا نے تھوڑی مزاحمت کی مگر وہ بھی 18 رنز بنا کر چلتے بنے جبکہ نائب کپتان شاداب خان محض 3 رنز بنا سکے۔
مڈل آرڈر میں خوشدل شاہ کی مزاحمت بھی 32 رنز تک ہی محدود رہی، عبدالصمد نے 7، جہانداد خان نے 17، شاہین شاہ ایک اور ابرار احمد 2 رنز بنا سکے جبکہ محمد علی یک رنز بنا کر ناٹ آوٹ رہے۔
پاکستان کے 6 کھلاڑی ڈبل فگر میں داخل نہ ہو سکے جبکہ اوپنرز کھاتہ کھولے بغیر ہی پویلین چلتے بنے یوں پاکستان کی پوری ٹیم 91 رنز پر ڈھیر ہو گئی۔
