ویب ڈیسک: وزیراعلی خیبر پختونخوا علی امین خان گنڈاپور نے کہا ہے کہ کرک پولیس نے بہادری سے لڑتے ہوئے دہشت گرد حملے ناکام بنا دیئے ۔
صوبے کے مختلف اضلاع میں دہشت گردی کے واقعات پر بات کرتے ہوئے وزیراعلیٰ خیبر پختونخوا علی امین گنڈا پور کا کہنا تھا کہ کے پی پولیس اور سکیورٹی فورسز بہادری سے دہشتگردی کا مقابلہ کر رہی ہیں،کرک میں پولیس نے دہشتگردوں کے حملے کو بہادری کے ساتھ پسپا کیا،
انہوں نے کہا کہ دہشت گردی واقعات میں شہید ہونے والے اہلکاروں کے لیے دعائے مغفرت کرتے ہیں، شہیدوں کی قربانی کبھی رائیگاں نہیں جائے گی۔
علی امین گنڈاپور نے کہا کہ مالی مشکالات کے باوجود پولیس کے لیے اربوں روپے مختص کیے گئے ہیں، پولیس کی استعداد کار بڑھانے کے لیے اسلحے اور دیگر ضروری آلات خریدے جارہے ہیں۔
انہوں نے کہا کہ دہشت گردی کے خلاف پولیس اور سیکیورٹی فورسز کی قربانیوں کی لازوال داستانیں قائم ہیں، پولیس اور سکیورٹی فورسز دہشتگردی کا مقابلہ عوام کے تعاون سے کر رہے ہیں۔
وزیراعلی علی امین گنڈا پور کا مزید کہنا تھا کہ پولیس اہلکاروں کو پیشہ وارانہ تربیت کے لیے نئے سینٹرز قائم کیے جا رہے ہیں اور دہشت گردی کو ختم کرنے کے لیے تمام تر وسائل بروئے کار لے رہے ہیں۔
