ویب ڈیسک: وزیردفاع خواجہ آصف نے کہا ہے کہ پی ٹی آئی نے آل پارٹیزکانفرنس میں شرکت کے لئے بانی عمران خان کی شرکت کو لازمی قرار دیا ہے ۔
سیالکوٹ میں میڈیا سے گفتگو کرتے ہوئے وزیر دفاع خواجہ آصف کا کہنا تھا کہ پی ٹی آئی نے اے پی سی میں شمولیت کیلئے بانی عمران خان کی شرکت کو لازمی قرار دیا ہے۔
انہوں نے کہا کہ آل پارٹیز کانفرنس میں شرکت کے لیے پی ٹی آئی کا موقف ہے کہ عمران خان کو پے رول پر لایا جائے،پی ٹی آئی نے یہ بات واضح الفاظ میں نہیں کہی لیکن انہوں نے بانی کی شرکت کو لازم قرار دیا ہے۔
وزیر دفاع کا کہنا تھا کہ پی ٹی آئی سانحہ جعفر ایکسپریس پر پروپیگنڈا کررہی ہے ، اتنے روز گزرنے کے بعد بھی عمران خان نے اس واقعے کی مذمت نہیں کی۔
خواجہ آصف کا کہنا تھا کہ بانی پی ٹی آئی جیل سے اخبارات میں آرٹیکل، پریس ٹاک اور بیانات دیتے ہیں لیکن قومی سانحے پر مذمت نہیں کرتے۔
