ویب ڈیسک: مصری اور اماراتی ماہرین فلکیات کی جانب سے عید الفطر کی تاریخ کے حوالے سے پیش گوئیاں سامنے آگئیں ۔
عرب میڈیا کے مطابق مصر کے نیشنل انسٹی ٹیوٹ فار آسٹرونومیکل اینڈ جیو فزیکل ریسرچ نے پیشگوئی کی ہے کہ رمضان المبارک 29 دن کا ہوگا اور آخری روزہ 29مارچ جبکہ عیدالفطر 30مارچ بروز اتوار کو ہونے کا امکان ہے۔
مصری ماہرین نے دنیا تقریبا ً30شہروں میں 29مارچ کو شوال کا چاند نظر آنے کی پیش گوئی کی ہے جن میں مکہ مکرمہ، مدینہ منورہ، ریاض، انقرہ، تہران، مسقط، کراچی، لندن، ماسکو اور اوٹاوہ شامل ہیں۔
دوسری جانب، اماراتی آسٹرونومی سوسائٹی کے چیئرمین ابراہیم الجروان کے مطابق، عید 30مارچ بروز اتوار یا 31مارچ بروز پیر کو ہوسکتی ہے۔
انہوں نے پیش گوئی کی ہے کہ 29مارچ کو دوپہر 2:58بجے (مقامی وقت)پر شوال کا چاند پیدا ہوگا، لیکن چونکہ سورج غروب ہونے تک چاند کی عمر صرف 3گھنٹے ہوگی، اس لیے چاند دیکھنا مشکل ہوسکتا ہے۔
