ویب ڈیسک: وفاقی وزیر داخلہ محسن نقوی نے کہا ہے کہ پشاور اور کرک میں دہشتگردوں کے حملوں کی مذمت کرتے ہوئے کہا ہے کہ شہدا کی لازوال قربانیاں رائیگاں نہیں جائیں گی ۔
پشاور کرک کے مختلف مقامات پردہشت گردوں کی جانب سے حملوں کی شدید الفاظ میں مذمت کرتے ہوئے وفاقی وزیرداخلہ محسن نقوی نے شہید ہونے والے ایف سی اہلکار سمیت 3 پولیس جوانوں کو خراج عقیدت پیش کیا۔
محسن نقوی نے شہدا کے لواحقین سے دلی ہمدردی و تعزیت کا اظہار کیا اور زخمی پولیس اہلکاروں کی جلد صحتیابی کیلئے دعا کی۔
وزیرداخلہ محسن نقوی کا کہنا تھا کہ قوم شہدا کی عظیم قربانیوں کو قدر کی نگاہ سے دیکھتی ہے، شہدا قوم کا سرمایہ افتخار ہیں، لازوال قربانیوں رائیگاں نہیں جائیں گی، ایف سی اور پولیس کے بہادر سپوتوں کی قربانیوں کو ہمیشہ یاد رکھا جائے گا۔
