پشاور کے علاقے ارمڑ میں مسجد کے باہر دھماکے میں شہید ہونے والے مفتی منیر شاکر کی نماز جنازہ ادا کردی گئی۔
باغ ناران میں مفتی منیر شاکر کی نماز جنازہ ان کے صاحبزادے مفتی عبداللہ شاکر نے پڑھائی، نماز جنازہ میں علما کرام سمیت مذہبی شخصیات اور بڑی تعداد میں شہریوں نے شرکت کی ۔
مفتی منیر شاکر گزشتہ روز پشاور کے مضافاتی علاقے میں مسجد کے باہر آئی ای ڈی دھماکے میں زخمی ہونے کے بعد ہسپتال میں دم توڑ گئے تھے۔
پولیس کا کہنا تھا کہ اڑمر دھماکے میں مفتی منیر شاکر زخمی ہوئے تھے جو ہسپتال میں دوران علاج دم توڑ گئے۔
دھماکے میں 4 افراد زخمی ہوئے تھے، دھماکے کے تین زخمی اسپتال میں زیر علاج ہیں۔
