ویب ڈیسک: پاکستان تحریک انصاف ہزارہ ڈویژن وفد کی سپیکرصوبائی اسمبلی سے ملاقات ہوئی ہے، اس دوران اہم امور پر تبادلہ خیال کیا گیا۔
تفصیلات کے مطابق پاکستان تحریک انصاف ہزارہ ڈویژن کی قیادت کی سپیکر ہاؤس پشاور میں سپیکر صوبائی اسمبلی سے ملاقات ہوئی ہے، سپیکر خیبر پختونخوا اسمبلی بابر سلیم سواتی کی دعوت پر اہم مشاورتی اجلاس منعقد کیا گیا۔ اس دوران ہزارہ میں پارٹی امور کو بہتر بنانے کے لیے تفصیلی غور و خوض کیا گیا۔
اجلاس میں پی ٹی آئی صوبائی جنرل سیکرٹری علی اصغر خان، ایم این اے علی خان، سابق سپیکر مشتاق احمد غنی، صوبائی وزیر نذیر احمد عباسی، ارشد ایوب، اکبر ایوب، : رجب علی عباسی، ریاض خان، افتخار خان جدون، ملک عدیل اقبال، تاج محمد ترند سمیت دیگر نے شرکت کی۔
اجلاس میں ہزارہ ڈویژن میں پارٹی کو مزید مستحکم کرنے اور سیاسی حکمت عملی پر تبادلہ خیال کیا گیا۔ اس دوران پارٹی اتحاد، تنظیمی ڈھانچے کو مضبوط اور کارکنوں کو متحرک کرنے پر اتفاق کیا گیا۔ سپیکر صوبائی اسمبلی بابر سلیم سواتی نے پی ٹی آئی کو مزید فعال بنانے کے عزم کا اظہار کیا۔
اجلاس کے شرکاء کی جانب سے خیبر پختونخوا میں پی ٹی آئی کو مستحکم کرنے کے لیے مکمل تعاون کی یقین دہانی کرائی گئی ہے۔ یاد رہے کہ پاکستان تحریک انصاف ہزارہ ڈویژن وفد کی سپیکرصوبائی اسمبلی سے ملاقات ہوئی ہے، اس دوران اہم امور پر تبادلہ خیال کیا گیا۔
