ویب ڈیسک: سانحہ جعفر ایکسپریس کے بعد سے تاحال کوئٹہ سے دیگر صوبوں کے لئے ٹرین سروس بدستور معطل ہے۔
ریلوے حکام کے مطابق حملے کی زد میں آنے والی جعفر ایکسپریس کی 4 بوگیاں جائے وقوعہ پر اب تک کھڑی ہیں، جبکہ دھماکے سے تباہ ہونے والے ریلوے ٹریک کی مرمت کا کام جاری ہے۔
ریلوے ذرائع کا کہنا ہے کہ سکیورٹی کلیئرنس کے بعد چند روز میں ریلوے سروس بحال کی جائے گی، ریلوے ٹریک پر موجود زیادہ تر بوگیوں کو مچھ پہنچا دیا گیا ہے، جبکہ ٹریک سے اترنے والی 4 بوگیاں آج کرین کے ذریعے اٹھا لی جائِیں گی۔
دوسری طرف دہشت گردی کا نشانہ بنے والی جعفر ایکسپریس کے انجن کو سبی پہنچا دیا گیا ہے، تاہم اس تمام تر صورتحال کے باوجود کوئٹہ سے دیگر صوبوں کے لئے ٹرین سروس بدستور معطل ہے۔
