ویب ڈیسک: سوشل میڈیا پر منفی پروپیگنڈا کرنے کے الزام میں جے آئی ٹی نے تحریک انصاف کے 16اراکین دوبارہ طلب کر لئے۔
ذرائع کے مطابق پی ٹی آئی کے 16 افراد کو 18 مارچ کو جےآئی ٹی کے سامنے پیش ہونے کے نوٹس جاری کر دیئے گئے، ان میں فردوس شمیم نقوی، خالد خورشید، میاں اسلم اقبال، حماد اظہر، عون عباس، شہباز شبیر، وقاص اکرم اور تیمور سلیم کے نام شامل ہیں۔
ذرائع کے مطابق صبغت اللہ ورک،اظہرمشوانی،نعمان افضل،جبران الیاس، سلمان رضا، ذلفی بخاری، موسیٰ ورک اور علی ملک کو بھی طلبی کے نوٹس جاری کیے گئے۔ اس کے علاوہ پہلے طلب کئے گئے پی ٹی آئی چیئرمین بیرسٹر گوہر، رؤف حسن اور شاہ فرمان جی آئی ٹی کے سامنے پیش ہو چکے ہیں۔
سوشل میڈیا پر منفی پروپیگنڈا کے کیس میں جے آئی ٹی کی جانب سے تحریک انصاف کے 16اراکین دوبارہ طلب کئے گئے ہیں، اس کیس میںعلیمہ خان کو بھی 19 مارچ کو طلبی کا نوٹس جاری کر رکھا ہے، ذرائع کے مطابق بانی پی ٹی آئی کی بہن 14 مارچ کو طلبی کے باوجود پیش نہیں ہوئی تھیں۔ الیکٹرونک جرائم کی روک تھام کے ایکٹ 2016 کے سیکشن 30 کے تحت جے آئی ٹی تشکیل دی گئی تھی، جے آئی ٹی انسپکٹر جنرل پولیس اسلام آباد کی سربراہی میں تحقیقات کر رہی ہے۔
