ویب ڈیسک: خیبرپختونخوا میں جوڈیشل افسران کیلئے ویلفیئر فنڈز کے قیام کی منظوری دیدی گئی۔ ویلفیئر فنڈز صحت، حادثات، قدرتی آفات اور دیگرمعاملات میں مالی معاونت کرے گا۔
تفصیلات کے مطابق صوبہ خیبرپختونخوا میں جوڈیشل افسران کیلئے ویلفیئر فنڈز کے قیام کا فیصلہ کیا گیا ہے، جس کی منظوری وزیر قانون اور محکمہ خزانہ اراکین پر مشتمل کمیٹی نے دے دی۔
اس حوالے سے جاری ہونے والی دستاویز میں بتایا گیا ہے کہ فنڈز کو خیبرپختونخوا جوڈیشل آفیسرز ویلفیئر فنڈز بل 2025 کا نام دیا گیا ہے، جو صحت، حادثات، قدرتی آفات اور دیگرمعاملات میں مالی معاونت کرے گا، فنڈز کے قیام کے بعد جوڈیشل افسر ماہانہ پیسے جمع کریں گے۔
دستاویز کے مطابق مجوزہ بل کے تحت فنڈ مینجمنٹ سمیت دیگر معاملات کو طے کیا جائے گا، جبکہ فنڈز کے قیام کو قانونی شکل دینے کیلئے کابینہ سے بھی منظوری لی جائے گی۔
