ویب ڈیسک: سونے کی قیمت 3لاکھ 17 ہزار 350 روپے کی نئی بلند ترین سطح پر پہنچ گئی۔
رپورٹ کے مطابق ین الاقوامی سطح پر ممکنہ کساد بازاری اور اہم عالمی کرنسیوں کی ڈی ویلیوایشن خدشات کے پیش نظر دنیا بھر میں سونے میں سرمایہ کاری کا رحجان پنپنے لگا ہے، اس وجہ سے بین الاقوامی بلین مارکیٹ میں فی اونس سونے کی قیمت کو تاریخ میں پہلی بار 3ہزار ڈالر سے متجاوز کردیا ہے۔
بین الاقوامی بلین مارکیٹ میں فی اونس سونے کی قیمت 25ڈالر کے اضافے سے 3022 ڈالر کی نئی بلند ترین سطح پر پہنچ گئی، اس کے ساتھ ہی مقامی صرافہ مارکیٹوں میں بھی منگل کو 24قیراط کا حامل فی تولہ سونے کی قیمت 2550روپے کے اضافے سے 3لاکھ 17 ہزار 350 روپے کی نئی بلند ترین سطح پر پہنچ گئی۔
