ویب ڈیسک: اسلام آباد ہائی کورٹ نے سابق وزیراعظم عمران خان کی ملاقاتوں کے کیسز کے لئے لارجر بینچ تشکیل دے دیا ۔
تفصیلات کے مطابق اسلام آباد ہائی کورٹ میں بانی پی ٹی آئی عمران خان سے ملاقاتوں سے کیسز میں بڑی پیش رفت ہوئی ہے جہاں سماعت کے لیے لارجر بینچ تشکیل دے دیا گیا ہے۔
سابق وزیراعظم عمران خان کی ملاقاتوں کے کیسز کی سماعت کے لیے تشکیل دیے گئے لارجر بینچ کے سربراہی قائم مقام چیف جسٹس سرفراز ڈوگر کریں گے۔
لارجر بینچ کے دیگر اراکین میں جسٹس ارباب محمد طاہر اور جسٹس اعظم خان بھی شامل ہیں۔
اسلام آباد ہائی کورٹ کا لارجر بینچ سابق وزیر اعظم عمران خان سے ملاقاتوں کے 20سے زائد کیسز کی سماعت کرے گا۔
