ویب ڈیسک: وزیراعلیٰ خیبر پختونخوا علی امین گنڈا پور نے کہا ہے کہ امن کیلئے ہمیں آپس کی بد اعتمادی کا خاتمہ کرنا ہوگا ۔
قومی سلامتی کی پارلیمانی کمٹی کے اجلاس میں اظہار خیال کرتے ہوئے وزیراعلیٰ خیبر پختونخوا علی امین گنڈا پور نے تمام سیاسی جماعتوں کے درمیان ہم آہنگی پر زور دیا ۔
انہوں نے کہا کہ صوبے میں سکیورٹی کے مسائل موجود ہے ، امن کے لئے ہمیں آپس کی بد اعتمادی کا خاتمہ کرنا ہوگا ۔
وزیراعلیٰ خیبر پختونخوا نے مزید کہا کہ ضم ہونے والے قبائلی اضلاع کو مکمل وسائل فراہم نہیں کیے گئے، بارہا وفاق سے یہ معاملہ اٹھا رہے ہیں لیکن کوئی اقدامات نہیں کئے گئے ۔
