ویب ڈیسک: و فاق کے بعد پنجاب حکومت کی جانب سے بھی عیدالفطر کی چھٹیوں کا اعلان کردیا گیا۔
پنجاب حکومت کی جانب سے جاری نوٹیفیکیشن کے مطابق صوبے میں عیدالفطر کی تعطیلات 31مارچ سوموار سے 2اپریل بدھ تک ہوں گی
قبل ازیں وفاقی حکومت نے بھی عید الفطر کی تعطیلات کا اعلان کیا،پیر 31مارچ سے بدھ 2 اپریل تک تعطیلات ہوں گی،کابینہ ڈویژن نے سرکاری تعطیلات کا نوٹیفکیشن جاری کر دیا۔
محکمہ موسمیات نے پیشگوئی کی ہے کہ رواں سال رمضان المبارک 29 روز کا ہو گا جس کے باعث 31 مارچ کو عید ہونے کا قوی امکان ہے جبکہ 30 مارچ کو شوال کا چاند نظر آئے گا ۔
