ویب ڈیسک: عمران خان کی اہلیہ سابق خاتون اول بشریٰ بی بی کی عبوری ضمانت میں 5 مئی تک توسیع کر دی گئی۔
تفصیلات کے مطابق انسداد دہشت گردی عدالت اسلام آباد نے بشریٰ بی بی کی ضمانت میں 5 مئی تک توسیع کر دی۔ اس حوالے سے اے ٹی سی جج ابوالحسنات محمد ذوالقرنین نے بشریٰ بی بی کے خلاف 26 نومبر احتجاج پر درج مقدمات میں درخواست ضمانت پر سماعت کی۔
بشریٰ بی بی کی جانب سے حاضری سے استثنیٰ اور شامل تفتیش ہونے کی درخواست دائر کی گئی، اس پر عدالت نے بانی پی ٹی آئی عمران خان کی اہلیہ بشریٰ بی بی کی عبوری ضمانت میں توسیع کرتے ہوئے کیس کی سماعت 5 مئی تک ملتوی کر دی۔
