ویب ڈیسک: امریکہ کی جانب سے ایران کو خط بھیجا گیا ہے، جس میں ایران کو جوہری معاہدے کیلئے 2ماہ کی مہلت دی گئی ہے۔
امریکی ذرائع ابلاغ کے مطابق گزشتہ دنوں صدر ٹرمپ کی جانب سے ایران کے اعلیٰ حکام کو لکھے گئے خط میں ایران کو نئے جوہری معاہدے کیلئے 2ماہ کی مہلت دیدی گئی۔
ذرائع کے مطابق خط میں امریکا اور ایران کے درمیان نئے سرے سے جوہری مذاکرات کی تجویز بھی پیش کی گئی ہے، اور ساتھ ہی تہران کو دھمکی بھی دی گئی کہ اگر اس نے جوہری پروگرام جاری رکھا تو نتائج بھگتنا پڑیں گے۔
امریکی صدر نے رواں ماہ کے اوائل میں ایرانی قیادت کو خط بھیجا تھا جب کہ وائٹ ہاؤس نےخط کے مندرجات سے اسرائیل، یواے ای اورسعودی عرب کو بھی آگاہ کیا تھا۔
