ویب ڈیسک: پشاور ہائیکورٹ نے پی ٹی آئی رہنماء عمرایوب کی 15اپریل تک حفاظتی ضمانت منظورکرتے ہوئے درج مقدمات میں گرفتار نہ کرنے کا حکم جاری کردیا۔
پشاور ہائیکورٹ میں پی ٹی آئی رہنماء اور قومی اسمبلی میں اپوزیشن لیڈر عمر ایوب کی مقدمات کی تفصیلات کیلئے دائر درخواست پر سماعت ہوئی،جسٹس محمد نعیم انور اور جسٹس ڈاکٹر خورشید اقبال نے سماعت کی۔
وکیل نے کہا کہ عمر ایوب کیخلاف ملک بھر میں 100 سے زائد مقدمات درج ہیں،درخواست گزار کے خلاف مقدمات کی تفصیلات فراہم کی جائیں۔
جسٹس نعیم انور نے استفسار کیا کہ آپ کس سے رپورٹ مانگ رہے ہیں؟وکیل نے کہا وفاقی حکومت، اسلام آباد پولیس اور دیگر متعلقہ اداروں سے رپورٹ منگوائی جائے۔
پشاور ہائیکورٹ نے وفاق اور متعلقہ اداروں سے مقدمات کی رپورٹ طلب کرتے ہوئے سماعت 15 اپریل تک ملتوی کردی۔
