ویب ڈیسک: مسلم لیگ ن کے قائد اور سابق وزیراعظم میاں نواز شریف کی طبیعت ناساز ہونے کے باعث ان کا دورہ سعودی عرب ملتوی کردیاگیا ۔
پارٹی ذرائع کے مطابق نواز شریف کا دورہ سعودی عرب ان کی صحت کی عمومی صورتحال کی وجہ سے ملتوی ہوا، نواز شریف کو ان کے معالجین کی جانب سے فضائی سفر سے گریز کرنے کی ہدایت کی گئی ہے۔
پارٹی ذرائع کا کہنا تھا کہ نواز شریف کے ذاتی معالج ڈاکٹر عدنان نواز شریف کا روزانہ کی بنیاد پر چیک اپ کر رہے ہیں۔
نواز شریف کے معالجین نے نواز شریف کو پیس میکر لگوانے کی تجویز دے دی۔
واضح رہے کہ صدر مسلم لیگ ن نواز شریف ہر رمضان المبارک کا آخری عشرہ سعودی عرب میں گزارتے رہے ہیں۔
