ویب ڈیسک: اسلام آباد ہائی کورٹ نے سپرنٹنڈنٹ اڈیالہ جیل سے سابق وزیراعظم عمران خان سے ملاقاتیں کرنے والوں کا ریکارڈ طلب کر لیا۔
اسلام آباد ہائیکورٹ کے قائم مقام چیف جسٹس کی سربراہی میں لارجر بنچ نے بانی پی ٹی آئی اور سابق وزیراعظم عمران خان کی جیل ملاقاتوں سے متعلق درخواستوں پر سماعت کی۔
اسلام آباد ہائیکورٹ کے جج جسٹس ارباب محمد طاہر اور جسٹس محمد اعظم خان لارجر بنچ میں شامل ہیں۔
سپرنٹنڈنٹ اڈیالہ جیل عبدالغفور انجم عدالت کے سامنے پیش ہوئے اور بتایا کہ بانی پی ٹی آئی عمران خان کی آئوٹ آف شیڈول اور جیل مینوئل کے علاوہ بھی ملاقاتیں کرا رہے ہیں۔
بعدازاں اسلام آباد ہائیکورٹ نے جیل سپرنٹنڈنٹ سے مکمل ریکارڈ طلب کرتے ہوئے سماعت 24 مارچ تک ملتوی کر دی۔
عدالت نے کہا کہ بتایا جائے کہ عمران خان سے جیل ملاقاتوں کا کیا طریقہ کار ہے؟
