ویب ڈیسک: وفاقی حکومت کی جانب سے قومی بچت سکیموں پر منافع کی شرح میں ردوبدل کردیاگیا ۔
رپورٹ کے مطابق متعدد قومی بچت اسکیموں پر منافع کی شرح میں 70بیسز پوائنٹس تک اضافہ جب کہ سیونگ اکاؤنٹ ریٹ پر ریٹرن میں 100 بی پی ایس کمی کی گئی ہے ۔
سی ڈی این ایس حکام کے مطابق شارٹ ٹرم سیونگ سرٹیفکیٹ کی شرح 15 بیسس پوائنٹس اضافے کے بعد 10.81 سے بڑھ کر 10.96 فیصد کردی گئی ہے جب کہ ڈیفنس سیونگ سرٹیفکیٹس پر منافع کی شرح اب ایک بیسز پوائنٹ بڑھا کر 12.15 فیصد کردی گئی ہے۔
سینٹرل ڈائریکٹوریٹ آف نیشنل سیونگز حکام کا کہنا ہے کہ پنشنر بینیفٹ اکاؤنٹ، بہود سیونگ سرٹیفکیٹ اور شہدا فیملی ویلفیئر اکانٹ کی شرح 10 بی پی ایس اضافے کے بعد 13.68 فیصد ہوگئی۔
اس کے علاوہ ازیں سروا اسلامک ٹرم اکاؤنٹ اور سروا اسلامک سیونگ اکاؤنٹ کی جانب سے پیش کردہ شرح 70 بیسز پوائنٹس بڑھ کر 9.74 فیصد سے 10.44 فیصد ہوگئی۔
دوسری جانب سیونگ اکاؤنٹ ریٹ پر ریٹرن میں 100 بی پی ایس کمی کی گئی ہے اور اب اس پر 11.5 فیصد کے مقابلے میں 10.5 فیصد ریٹرن دیا جائے گا۔
