ویب ڈیسک: ٹی 20فارمیٹ میں تیز ترین سنچری بنانے والے قومی ٹیم کے 22سالہ اوپنر حسن نواز نے بابر اعظم کا ریکارڈ توڑ دیا۔
اوپنر حسن نواز تیز ترین سنچری بنانے والے پہلے پاکستانی کرکٹر بن گئے ہیں،تجربہ کار بلے باز بابر اعظم کا 49 گیندوں پر تیز ترین سنچری کا ریکارڈ توڑ دیا ہے۔
بابراعظم نے 2021میں جنوبی افریقا کے خلاف سنچورین میں 49 گیندوں کا سامنا کرتے ہوئے تیز ترین سنچری بنائے تھی۔
اس سے قبل، سن 2014 میں بنگلا دیش کے خلاف ڈھاکا میں سابق اوپنر احمد شہزاد نے 58گیندوں پر تیز ترین سنچری اسکور کی تھی جبکہ 2023میں بابراعظم نے نیوزی لینڈ کے خلاف لاہور میں 58 گیندوں پر تیز ترین سنچری بنائی تھی۔
واضح رہے کہ حسن نواز کی تیز ترین سنچری کی بدولت پاکستان نے تیسرے ٹی ٹوئنٹی میں نیوزی لینڈ کو شکست سے دو چار کیا ہے۔
