ویب ڈیسک: برادر اسلامی ممالک کے تعلقات میں استحکام کیلئے پاکستانی نمائندہ خصوصی کابل پہنچ گئے، اپنے تین روزہ دورہ کے دوران افغان عبوری حکومت سے دو طرفہ تعلقات پر تبادلہ خیال کیا جائے گا۔
افغان طالبان حکام کے ساتھ سفارتی رابطہ بحال کرتے ہوئے افغانستان کیلئے پاکستان کے نمائندہ خصوصی محمد صادق کابل پہنچ گئے، ترجمان دفتر خارجہ کے مطابق تین روزہ سرکاری دورے کے دوران صادق خان افغان عبوری حکومت سے دو طرفہ تعلقات پر تبادلہ خیال کریں گے۔
ترجمان دفتر خارجہ کا کہنا ہے کہ افغانستان کے لیے پاکستان کے نمائندہ خصوصی محمد صادق خان 21 سے 23 مارچ تک کابل کے سرکاری دورے پر ہیں۔ نائب وزیراعظم اسحاق ڈار کی ہدایت پر کیے جانے والے اس دورے میں افغان عبوری حکومت کے ساتھ دوطرفہ تعلقات پر تبادلہ خیال کیا جائیگا۔
دفتر خارجہ کے ترجمان کا کہنا ہے کہ افغانستان کے اس دورے کا مقصد پاکستان اور افغانستان کے درمیان تعاون کو فروغ دینا اور دونوں ممالک کے تعلقات مستحکم کرنا ہے۔یاد رہے کہ برادر اسلامی ممالک کے تعلقات میں استحکام کیلئے پاکستانی نمائندہ خصوصی کابل پہنچ گئے، اپنے تین روزہ دورہ کے دوران افغان عبوری حکومت سے دو طرفہ تعلقات پر تبادلہ خیال کیا جائے گا۔
