ویب ڈیسک: ڈیرہ اسماعیل خان میں 13مارچ کو جندولہ فورٹ حملے میں مارے جانے والے دہشت گرد نعیم خان سے والد، خاندان اور گائوں کے مشران نے مکمل لاتعلقی کا اعلان کر دیا۔
تفصیلات کے مطابق کری شموزئی، ڈی آئی خان کے 20سے زائد مشران اور والد احمد خان نے جرگہ میں شرکت کی اور ہلاک دہشت گرد نعیم خان سے مکمل لاتعلقی کا اظہار کیا۔
والد احمد خان نے دوٹوک بیان دیا کہ جو پاکستان اور پاک فوج کے خلاف ہو، وہ ریاست کا دشمن ہے، چاہے میرا اپنا بیٹا ہی کیوں نہ ہو۔ تقریبا ًسوا سال پہلے میں اس کے پیچھے قرآن لے کر گیا، اس نے قرآن بھی رد کر دیا۔
والد نے اعلان کیا کہ مجھے نہ اس کی لاش چاہیے اور نہ ڈھانچہ، دہشت گردکوں کے لیے نہ کوئی عزت، نہ جنازہ، میرا بیٹا جہنم کا ایندھن ہے۔
علاقے کی تاریخ میں پہلی بار کسی مرنے والے پر نہ فاتحہ خوانی ہوئی اور نہ تعزیت۔
عوام اور مشران نے دہشت گردوں کے خلاف سخت موقف دیتے ہوئے کہا کہ پاکستان اور پاک فوج کے خلاف ہتھیار اٹھانے والوں کے لیے کوئی رعایت نہیں۔
