ویب ڈیسک: رکن قومی اسمبلی شیر افضل مروت نے کہا ہے کہ بانی پی ٹی آئی عمران خان بلائیں گے تو ملنے ضرور جاؤں گا ۔
شیر افضل مروت نے میڈیا سے گفتگو میں کہا ہے کہ بانی پی ٹی آئی عمران خان26نومبر کی معافی کیوں مانگیں؟ 26 نومبر کو گاڑیاں بھی ہماری چھینی گئیں اور مقدمات بھی ہم پر بنائے گئے۔
انہوں نے کہا کہ تحریکِ انصاف کی پوری قیادت مقدمات میں نامزد ہے، کسی دن پی ٹی آئی کا کوئی ایک رہنما عدالت ہوتا ہے تو کسی دن دوسرا عدالت پیش ہوتا ہے۔
شیر افضل مروت کا کہنا تھا کہ فتنہ پھیلانے والے کئی لوگ ہیں جو ملاقات میں رکاوٹ ڈالتے ہیں، جب بانی پی ٹی آئی عمران خان بلائیں گے تب ملاقات کیلئے جائوں گا،میرا کسی پارٹی سے کوئی رابطہ نہیں، کوئی ملے تو سلام دعا کر لیتا ہوں۔
