ویب ڈیسک: کراچی کے علاقے ملیر ہالٹ کے قریب واٹر ٹینکر نے موٹر سائیکل کو ٹکر مار دی جس کے نتیجے میں شوہر اور حاملہ بیوی جاں بحق ہو گئے ۔
ریسکیو زرائع نے بتایا کہ واٹر ٹینکر کی ٹکر سے موٹر سائیکل سوار میاں بیوی شدید زخمی ہو گئے جوکہ بعد ازاں ہسپتال میں دم گئے ۔
ریسکیو حکام کے مطابق جاں بحق ہونے والی خاتون حاملہ تھی، جس نے زخمی حالت میں بچے کو جنم دیا تاہم بچہ بھی دم توڑ گیا۔
جاں بحق شخص کی شناخت عبدالقیوم اور خاتون کی شناخت زینب زوجہ عبدالقیوم کے نام سے ہوئی۔
پولیس نے بتایا کہ حادثے کے بعد مشتعل عوام نے واٹر ٹینکر کو آگ لگانے کی کوشش کی، واٹر ٹینکر کا ڈرائیور موقع سے فرار ہوگیا۔
حادثے کے فوری بعد پولیس اور سیکیورٹی اداروں کے اہلکار موقع پر پہنچ گئے ، ٹریفک کی روانی بحال کرائی جا رہی ہے۔
ایس ایس پی کورنگی طارق نواز نے کہا کہ پولیس نے ٹینکر کے ڈرائیور اور ہیلپر کو گرفتار کرلیا ہے ۔
