ویب ڈیسک: ضلع خیبر کے باڑہ بازار میں ڈاکو نجی بینک لوٹ کر فرار ہو گئے، اس کارروائی کے دوران ڈاکو ایک کروڑ روپے پر ہاتھ صاف کر گئے۔
ڈی پی او رائے مظہر اقبال کا اس حوالے سے کہنا ہے کہ ڈکیتی کا یہ واقعہ آج صبح 9 بجے پیش آیا، اس واردات میں 5 ڈاکو ملوث تھے، جن میں سے ایک بینک کے باہر کھڑا رہا، جبکہ چار نے اندر داخل ہو کر کارروائی کی، اور اس کے بعد سب بینک لوٹ کر فرار ہو گئے۔
پولیس ذرائع کا کہنا ہے کہ ڈکیتی کی تحقیقات کا سلسلہ بڑھا دیا ہے، اور سی سی ٹی وی کیمروں کی مدد سے ملزمان کی شناخت کی جا رہی ہے۔ اب تک کسی قسم کی گرفتاری عمل میں نہیں لائی گئی، تاہم ملزمان کو جلد گرفتار کرنے کے لیے تمام ممکنہ اقدامات کئے جا رہے ہیں۔
