ویب ڈیسک: پاکستان سٹاک ایکسچینج میں زبردست تیزی دیکھنے میں آ رہی ہے، انڈیکس میں 1500 سے زائد پوائنٹس اضافہ کے ساتھ 100انڈیکس ایک لاکھ 18 ہزار 220 پوائنٹس کی حد چھونے لگا۔
تفصیلات کے مطابق عالمی مالیاتی فنڈ سے ہونے والے حالیہ معاہدے کے ثمرات ظاہر ہونے لگے ہیں، اس کی بدولت کاروباری ہفتے کے چوتھے روز پاکستان سٹاک ایکسچینج میں زبردست تیزی دیکھی جانے لگی ہے۔
آج کاروبار کے آغاز پر انڈیکس میں 1500 سے زائد پوائنٹس اضافہ ہوا، جس کے ساتھ 100انڈیکس ایک لاکھ 18 ہزار 220 پوائنٹس کی سطح کو چھونے لگا ہے۔ یاد رہے گزشتہ کاروباری دن کے اختتام پر 193 پوائنٹس کے اضافے کے ساتھ سٹاک ایکسچینج میں انڈیکس ایک لاکھ 16 ہزار 633 پوائنٹس کی سطح پر بند ہوا تھا۔
