ویب ڈیسک: سیکیورٹی خدشات کے پیشِ نظر جنوبی اور شمالی وزیرستان اپر میں کرفیو نافذ کر دیا گیا۔ اس حوالے سے انتظامیہ نے باقاعدہ نوٹیفکیشن جاری کردیا۔
ڈپٹی کمشنر جنوبی وزیرستان اپر سلیم جان کا اس حوالے سے کہنا ہے کہ آج بدھ کو ایک دن کیلئے جنوبی وزیرستان اپر میں کرفیو نافذ ہوگا، اس دوران آسمان منزہ سے لدھا اور مکین تک اور نواز کوٹ سے رزمک تک تمام شاہراہیں ٹریفک کیلئے بند رہیں گی۔ دوسری طرف شمالی وزیرستان کے رزمک سب ڈویژن میں صبح 6 بجے سے شام 6 تک کرفیو نافذ کردیا گیا ہے۔ اس حوالے سے ڈی سی کا کہنا ہے کہ نواز کوٹ پل سے ڈنکن تحصیل رزمک تک کرفیو ہوگا۔
انہوں نے مزید بتایا کہ ڈنکن سے میلوگئی پل تحصیل دوسلی تک مکمل کرفیو نافذ رہے گا، اس دوران مسافروں سے متبادل راستوں کا انتخاب کرنے کی درخواست کی گئی ہے۔ یاد رہے کہ سیکیورٹی خدشات کے پیشِ نظر جنوبی اور شمالی وزیرستان اپر میں کرفیو نافذ کر دیا گیا۔ اس حوالے سے انتظامیہ نے باقاعدہ نوٹیفکیشن جاری کردیا۔
