ویب ڈیسک: غزہ پر اسرائیلی مظالم کم ہونے میں نہیں آ رہے، صیہونی بربریت کا سلسلہ جاری ہے، اس دوران بچوں سمیت 30سے زائد فلسطینی شہید جبکہ متعدد زخمی ہو گئے ہیں۔
اسرائیل کے غزہ پر وحشیانہ حملوں کے نتیجے میں 7 بچوں سمیت مزید 0 سے زائد فلسطینی شہید ہوگئے۔ بچوں کے حقوق کے حوالے سے عالمی تنظیم سیو دی چلڈرن کی جانب سے جاری رپورٹ میں بتایا گیا ہے کہ اسرائیلی بمباری سے ایک ہفتے میں 270 بچے شہید ہوگئے، جب کہ حالیہ حملوں میں 7 بچوں سمیت مزید 30سے زائد فلسطینی شہید ہوئے۔
دوسری طرف اسرائیلی فوج نے فلسطینیوں کو جبالیہ کا علاقہ خالی کرنے کا حکم دے دیا جس کے بعد ہزاروں تباہ حال فلسطینی دوبارہ بے گھر ہوگئے ہیں، ادھر حماس نے عالمی برادری سے اسرائیلی جارحیت رُکوانے اور دنیا بھر میں احتجاجی مظاہروں کا مطالبہ کیا ہے۔
