ویب ڈیسک: پاکستان میں کپاس کی سالانہ پیداوار میں کمی دیکھی جانے لگی ہے، جس کے تحت سالانہ 15 لاکھ بیل سے کم ہو کر کپاس کی پیداوار ساڑھے 4 لاکھ بیلز پر آگئی ہے ۔
پاکستان میں کپاس کی سالانہ پیداوار میں مسلسل کمی سے نہ صرف کسان بلکہ ٹیکسٹائل انڈسٹری بھی شدید مشکلات کا شکار ہو رہی ہے۔ زرعی ماہر کے مطابق معیاری ہائبرڈ بیج کے استعمال سے ہی چاول کے بعد گندم کی پیداوار میں انقلاب لایا جا سکتا ہے۔
انہوں نے کہا کہ ہم نے کپاس میں خود کفالت کیلئے پلان بنا رکھا ہے جس کے تحت پہلے مرحلے میں پنجاب اور سندھ کے 700 ایکڑ پر بی ٹی کاٹن 2085 کاشت کی جائے گی۔ کپاس کی قلت کے باعث اس کی درآمد پر سالانہ 3 ارب ڈالر قیمتی زر مبادلہ ضائع ہو رہا ہے جس کو بچانے کی اشد ضرورت ہے۔
