ویب ڈیسک: اثاثے و گوشواروں کی تفصیلات جمع نہ کرانے پر 10سابق ارکان اسمبلی نااہل قرار دے دیئَے گئے، فیصلے میں سندھ اور بلوچستان اسمبلیوں کے 7، 7 سابق ممبران بھی نااہل قرار پائے ہیں۔
تفصیلات کے مطابق الیکشن کمیشن میں 23-2022 کے اثاثے و گوشواروں کی تفصیلات جمع نہ کرانے پر 10سابق ارکان اسمبلی نااہل قرار دیدیئے گئے ہیں، الیکشن کمشین کے فیصلے کے تحت سندھ اور بلوچستان اسمبلیوں کے 7، 7 سابق ممبران بھی نااہل قرار پائے ہیں۔
فیصلے کے مطابق سابق ارکان اسمبلی اثاثے و گوشواروں کی تفصیلات دینے تک عام، ضمنی انتخابات سمیت سینیٹ الیکشن میں بھی حصہ نہیں لے سکتے، اس فیصلے کے تحت سابق ارکان قومی اسمبلی خرم دستگیر خان، محسن نواز رانجھا، محمد عادل، رانا محمد اسحاق خان، کمال الدین اور عصمت اللہ سمیت سابق ایم این ایز ثمینہ مطلوب، نصیبہ، شمیم آرا پنہور اور روبینہ عرفان بھی نااہل قرار دی گئی ہیں۔
الیکشن کمیشن نے گوشواروں کی تفصیلات جمع نہ کرانے پر سندھ اسمبلی کے سابق رکن عدیل احمد، حزب اللہ بھگیو، ارسلان تاج حسین، عارف مصطفیٰ جتوئی، عمران علی شاہ، علی غلام اور طاہرہ کو بھی نااہل قرار دیا ہے۔
بلوچستان اسمبلی کے سابق رکن میر سکندر علی، میر محمد اکبر، سردار یار رند، عبدالرشید اور عبدالواحد صدیقی جبکہ بلوچستان اسمبلی کے سابق ارکان میر حمال اور بی بی شاہینہ کو نااہل قرار دیا گیا ہے۔
