ویب ڈیسک: ارباب نیاز کرکٹ سٹیڈیم میں سہولیات کی کمی، ڈریسنگ رومز میں بنیادی استعمال کی اشیا دستیاب نہ ہونے کی وجہ سے پشاور میں 8 اپریل کا پی ایس ایل 10 کا نمائشی میچ کھٹائی میں پڑ گیا۔ پشاور میں 8 اپریل کو پی ایس ایل کا نمائشی میچ ہونا تھا، پی سی بی ارباب نیاز سٹیڈیم کی آؤٹ فیلڈ اور پچز سے مطمئن نہیں، اس لئے میچ کا انعقاد مشکل دکھائی دیتا ہے۔
ذرائع کا کہنا ہے کہ نو تعمیر شدہ ارباب نیاز سٹیدیم کی غیر معیاری آوٹ فیلڈ، پچز اور ناکافی سہولیات کی وجہ سے پشاور زلمی اور کوئٹہ گلیڈی ایٹٹرز کے مابین میچ منسوخ ہونے کا امکان ہے۔ ذرائع کا کہنا ہے کہ پی سی بی ریکی ٹیم نے انتظامات پر رپورٹ جمع کروا دی، ڈریسنگ رومز میں بنیادی استعمال کی اشیا دستیاب نہیں.
ڈریسنگ رومز میں بنیادی استعمال کی اشیا دستیاب نہ ہونے کی وجہ سے پشاور میں 8 اپریل کا پی ایس ایل 10 کا نمائشی میچ کھٹائی میں پڑ گیا، تاہم اس کے ساتھ ہی بورڈ نے خیبرپختونخوا حکومت کو ہنگامی بنیادوں پر کام مکمل کرنے کا کہہ دیا ہے۔
