ویب ڈیسک: آرمی چیف جنرل عاصم منیر سے متحدہ عرب امارات کے وفد نے ملاقات کی اور ان سے والدہ کے انتقال پر تعزیت کا اظہار کیا ۔
میڈیا رپورٹس کے مطابق یو اے ای کے صدر شیخ محمد بن زاید النہیان کی ہدایت پر اعلیٰ سطح وفد پاکستان پہنچا، وفد نے آرمی چیف جنرل عاصم منیر سے ملاقات کی اور ان کی والدہ کے انتقال پر تعزیت کا اظہار کیا۔
یو اے ای کے وفد کی قیادت شیخ نہیان بن مبارک النہیان نیکی، وفد میں یو اے ای کے وزیر مملکت برائے خارجہ امور بھی موجود تھے۔
ملاقات کے دوران شیخ نہیان نے آرمی چیف سے شیخ محمد بن زاید النہیان کی جانب سے اظہار افسوس کیا۔
یو اے ای کے وفد نے آرمی چیف کی والدہ کے بلند درجات کے لیے دعا بھی کی۔
