ویب ڈیسک: مارچ کے بجلی بلوں سے نیٹ میٹرنگ یونٹس غائب ہونے سے صارفین میں تشویش کی لہر دوڑ گئی ۔
ذرائع کے مطابق متعدد صارفین کے ماہ مارچ کے بجلی بلوں پر لیسکو کو ایکسپورٹ کردہ یونٹس کا خانہ خالی ہے۔
ترجمان لیسکو نے اس حوالے سے کہا ہے کہ صارفین کو اگلے ماہ ایکسپورٹ یونٹس چارج ہو کر بل موصول ہونگے۔
نیٹ میٹر کے اندر ایکسپورٹ شدہ تمام یونٹس کا ڈیٹا محفوظ ہوتا ہے،ہر صارف کو اس کے ایکسپورٹ شدہ یونٹس کے مطابق بل فراہم کیا جاتا ہے۔
دوسری جانب ذرائع کے مطابق سولر استعمال کرنے والے صارفین پر اضافی ٹیکس کی منظوری روک دی گئی،وفاقی کابینہ اجلاس میں سولر نیٹ میٹرنگ پالیسی منظور نہیں کی گئی۔
