ویب ڈیسک: گورنر سندھ کامران ٹیسوری نے کہا ہے کہ مافیاز کے خلاف آخری حد تک جاؤں گا، یہ میرے لوگ اور شہر بھی میرا ہے، اگر قوانین پر عمل درآمد نہ کرایا گیا تو ڈمپر کے آگے کھڑا ہو جاؤں گا۔
انہوں نے کہا کہ میئر کراچی کو مجھے نہیں اللہ کوجوابدہ ہونا ہے، سیاسی کھیل مت کھیلو، میڈیا پر کوریج کیلئے عوام کے دل نہ دکھاؤ، میں نے تمہیں معاف کیا، اور اب تمہاری کسی بات کا جواب نہیں دوں گا، سب الزامات گورنر پر اور تم ہر چیزسے بری الذمہ؟ ایسے نہیں چلے گا۔
ان کا کہنا تھا کہ یہ ٹریفک گردی رکنی چاہئے، اس مسئلے پر سب کو بیٹھنا ہوگا، جب تک ساتھ بیٹھ کر مسئلے کا حل نہیں نکالتے حادثات نہیں رکیں گے، ٹریفک قوانین پر عمل درآمد کرانا ہوگا، ایک قاتل ڈمپر نے ہنستے بستے گھر کو اجاڑ دیا، اس فیملی کے بچے کو6 دن بعد دنیا میں آنا تھا۔
ان کا مزید کہنا تھا کہ مافیاز کے خلاف آخری حد تک جاؤں گا یہ میرے لوگ اور میرا شہر ہے، اگر قوانین پر عمل درآمد نہ کرایا تو ڈمپر کے آگے کھڑا ہوجاؤں گا۔ سب الزامات گورنر پر اور تم ہر چیزسے بری الذمہ؟ ایسے نہیں چلے گا۔
