ویب ڈیسک: وفاقی وزیر خزانہ محمد اورنگزیب نے رواں سال ’پانڈا بانڈز‘ کے اجرا کا امکان ظاہر کرتے ہوئے کہا ہے کہ پانڈابانڈ پاکستان کی کیپیٹل مارکیٹوں کو چین سے جوڑنے کا عکاس ہوگا۔
انہوں نے چین میں باؤ فورم برائے ایشیا سالانہ کانفرنس 2025 میں شرکت کے دوران چینی میڈیا سے گفتگو کرتے ہوئے کہا کہ پانڈا بانڈ پاکستان کی کیپیٹل مارکیٹوں کو چین سے جوڑنے کا عکاس ہوگا۔ پاکستان نے ماضی میں ڈالر اور یورو میں کئی بانڈز کا اجرا کیا، اب وقت آ گیا ہے کہ چینی کیپیٹل مارکیٹ سے استفادہ کیا جائے۔
