ویب ڈیسک: وادی کالام میں بارش کے ساتھ ریکارڈ برف باری ہوئی ہے، جس سے سردیاں لوٹ آئیں۔ 6 انچ تک ہونے والی برف باری کی وجہ سے علاقہ کے تمام پہاڑوں نے سفید چادر اوڑھ لی۔ سوات کے میدانی علاقوں میں وقفے وقفے سے بارش اور بالائی علاقوں میں ہلکی برفباری کا سلسلہ جاری ہے، مینگورہ شہر، سیدو شریف، کبل، بریکوٹ اور ملحقہ علاقوں میں وقفے وقفے سے بارش کا سلسلہ جاری ہے۔
دوسری طرف سیاحتی مقام وادی کالام اور ملحقہ علاقوں میں بھی ہلکی برفباری کا سلسلہ جاری ہے، جس کے باعث موسم سرد ہو گیا ہے، وادی کالام، اتروڑ، گبرال اور ملحقہ علاقوں میں 6 انچ تک برف باری ریکارڈ کی گئی ہے۔ وادی کالام میں بارش کے ساتھ ریکارڈ برف باری ہوئی ہے، جس سے سردیاں لوٹ آئیں۔
