ویب ڈیسک: خواتین سمیت 10پاکستانی امارات میں بھیک مانگتے ہوئے گرفتار کر لئے گئے، جبکہ اس حوالے سے متحدہ عرب امارات کے حکام کی جانب سے پاکستانی حکام کو آگاہ کر دیا گیا ہے۔
ایف آئی اے ذرائع کے مطابق پنجاب کے ضلع وہاڑی کی رہائشی 3 خواتین آمنہ بی بی، کوثر بی بی اور فرزانہ بی بی سمیت لاہور سے تعلق رکھنے والی جمیلہ بی بی اور زبیدہ بی بی کو متحدہ عرب امارات میں مختلف کاروائیوں کے دوران بھیک مانگتے ہوئے گرفتار کر کے جیل بھیج دیا ہے، جبکہ اس کے ساتھ ہی انہیں ملک بدر کرنے کی تیاری کی جا رہی ہے۔ حکام کے مطابق اسی طرح کی کارروائیوں میں ڈی جی خان کے رہائشی محمد زکریا، بہاول نگر کے وسیم حیدر، لاہور کے محمد عثمان، چار سدہ کے اعجاز خان اور پشاور کے عبداللہ کو بھی بھیک مانگتے ہوئے گرفتار کیا گیا۔
حکام کاکہناہے کہ ان افراد کو پاکستان رپورٹ کرنے کیلئے ایمرجنسی پاسپورٹس تیار کر لیے گئے ہیں، پاکستان پہنچنے پر انہیں گرفتار کرکے کارروائی کی جائے گی۔ یاد رہے کہ ماقبل اس قسم کی کارروائیوں پر بروقت اقدامات کرنے کا عندیہ دیا گیا تھا۔ خواتین سمیت 10پاکستانی امارات میں بھیک مانگتے ہوئے گرفتار کر لئے گئے، جبکہ اس حوالے سے متحدہ عرب امارات کے حکام کی جانب سے پاکستانی حکام کو آگاہ کر دیا گیا ہے۔
