ویب ڈیسک: امریکا کی قطرکو جدید ڈرونز اور ہتھیار فروخت کرنے کی منظوری، یہ معاہدہ لگ بھگ 2 ارب ڈالر مالیت کا ہے۔
تفصیلات کے مطابق امریکا کی قطرکو جدید ڈرونز اور ہتھیار فروخت کرنے کی منظوری دینے کا معاہدہ طے پا گیا، جس کی مالیت لگ بھگ 2 ارب ڈالر بنتی ہے۔
امریکی ادارے ڈیفنس سکیورٹی کو آپریشن ایجنسی کے مطابق معاہدے میں 8 ،MQ-9B ڈرونز، 500 پاؤنڈ وزنی بم، ریڈار، سیٹلائٹ کمیونیکیشن اور ٹارگٹنگ سسٹمز شامل ہیں جن کی اصل مالیت 1.96 ارب ڈالر ہے۔
قطر کو اس سازوسامان کے مؤثر استعمال کے لیے امریکا تربیت اور تکنیکی مدد فراہم کی جائے گی۔ امریکی حکام کے مطابق یہ معاہدہ قطر کی دفاعی صلاحیت کو مضبوط بنائے گا۔ یہ قطر کو درپیش خطرات کے تدارک میں نگرانی کی صلاحیت کو بہتر کرے گا۔
