ویب ڈیسک: جنوبی کوریا کے جنگلات میں بدترین آتشزدگی کے باعث 26 افراد ہلاک ہو گئے، جبکہ 27 ہزار افراد کو فوری طور پر نقل مکانی کرنے پر مجبور کر دیا۔
رپورٹس کے مطابق جنوبی کوریا کے جنوب مشرقی علاقے میں ہفتے کے آخر میں جنگلات میں لگنے والی آگ نے جنوب مشرقی علاقوں کو اپنی لپیٹ میں لے لیا۔ ڈیزاسٹر اینڈ سیفٹی ڈویژن کے مطابق جنوب مشرقی علاقے میں آگ پھیلنے سے تقریباً 27 ہزار افراد کو فوری طور پر نقل مکانی کرنے پر مجبور کر دیا، اس آگ کے باعث سڑکیں بند ہو گئیں جبکہ مواصلاتی نظام درہم برہم ہو گیا۔
حکام کے مطابق 35 ہزار ایکڑ سے زائد رقبہ جل چکا ہے، جو 2000ء میں مشرقی ساحلی آگ سے بھی زیادہ ہے، جبکہ ہلاک ہونے والے افراد میں مقامی افراد کے علاوہ 3 فائر فائٹرز اور ایک ہیلی کاپٹر پائلٹ بھی شامل ہے۔ یاد رہے جنوبی کوریا کے جنگلات میں بدترین آتشزدگی کے باعث 26 افراد ہلاک ہو گئے، جبکہ 27 ہزار افراد کو فوری طور پر نقل مکانی کرنے پر مجبور کر دیا۔
