ویب ڈیسک: صحافی وحید مراد کی ضمانت منظور کرتے ہوئے ڈسٹرکٹ اینڈ سیشن کورٹ اسلام آباد نے انہیں رہا کرنے کا حکم دے دیا۔
سائبر کرائم ایکٹ کے تحت درج مقدمے میں عدالت نے 50 ہزار روپے مچلکوں کے عوض ضمانت منظور کی، تاہم بعدازاں درخواست گزار کی استدعا پر عدالت نے مچلکے 20 ہزار کر دیئے۔
صحافی وحید مراد کو دو روزہ جسمانی ریمانڈ مکمل ہونے پر ایف آئی اے کی جانب سے جوڈیشل مجسٹریٹ عباس شاہ کی عدالت میں پیش کیا گیا۔ اس موقع پر عدالت نے صحافی کو جوڈیشل ریمانڈ پر جیل بھیجنے کا حکم دیا۔
عدالت نے استفسار کیا کہ آپ نے دو دن میں کیا میٹریل حاصل کیا ہے؟ ایف آئی اے نے بتایا کہ ان کو مختلف پوسٹ دکھائی گئیں جو ریکارڈ پر بھی لگا دی گئی ہیں، وکیل ایمان مزاری نے دلائل دیتے ہوئے کہا کہ جن پوسٹوں کے حوالے سے کہا جا رہا ہے کہ وہ وحید مراد کی نہیں ہیں، ایک پوسٹ اختر مینگل کی ہے جو ان کا بیان ہے۔
دوران سماعت پیش کردہ دلائل کے بعد جوڈیشل مجسٹریٹ عباس شاہ نے صحافی وحید مراد کی ضمانت منظور کرتے ہوئے انہیں رہا کرنے کا حکم دے دیا۔
