ویب ڈیسک: وفاقی دارالحکومت اسلام آباد میں ڈمپر گاڑیوں پرالٹنے کے نتیجے میں 4افراد جاں بحق جبکہ 3زخمی ہوگئے، ڈمپر ڈرائیور فرار ہوگیا۔
ذرائع کے مطابق خوف ناک حادثہ آئی جے پی روڈ پر پیش آیا ہے جس میں ڈمپر گاڑیوں پر الٹ گیا جس کے باعث کئی گاڑیاں دب گئیں جس میں موجود 4افراد موقع پر جاں بحق جبکہ تین زخمی ہو گئے ۔
جاں بحق ہونے والوں میں میں تین مرد جبکہ 15سالہ لڑکی شامل ہیں۔
حادثہ ڈمپر کے ٹائر پھٹنے کی وجہ سے پیش آیا، ریت سے بھرا ڈمپر کنٹرول سے باہر ہونے پر رکشا کے اوپر گرگیا، رکشا میں سوار افراد ڈمپر کے نیچے دب جانے سے ہلاکتیں ہوئیں اور لوگ زخمی ہوئے۔
حادثے کی اطلاع ملتے ہی امدادی ادارے اور پولیس وہاں پہنچ گئے اور لاشوں اور زخمیوں کو فوری طور پر ہسپتال منتقل کیا۔
حاثہ تھانہ سبزی منڈی کی حدود میں پیش آیا جس کے بعد ڈی سی اسلام آباد اور چیف ٹریفک آفیسر بھی موقع پر پہنچ گئے۔
