ویب ڈیسک: غزہ پر اسرائیل کی جانب سے شدید بمباری کے نتیجے میں 24گھنٹوں کے دوران مزید 50فلسطینی شہید ہو گئے ۔
غیر ملکی خبر رساں ادارے کے مطابق اسرائیل کی جانب سے غزہ کے مختلف علاقوں پر علاقوپر وحشیانہ بمباری کا سلسلہ بدستور جاری ہے جس میں شہید ہونے والوں کی تعداد 50تک پہنچ گئی ۔
میڈیا رپورٹس میں بتایا گیا ہے کہ خان یونس کے 8شہدا میں زیادہ تر بچے اور خواتین شامل ہیں۔
گزشتہ روز اسرائیل نے غزہ کی مارکیٹ سمیت مختلف علاقوں پر حملہ کرکے مزید 40 فلسطینیوں کو شہید کردیا تھا۔
واضح رہے کہ غزہ میں 7 اکتوبر 2023 سے جاری اسرائیلی جارحیت کے نتیجے میں شہید ہونے والے فلسطینیوں کی تعداد 50 ہزار سے تجاوز کرگئی ہے۔
